O XIII ENCONTRO DE EMBARCACIÓNS TRADICIONAIS DE GALICIA CELEBRARASE EN POIO

O CM A Reiboa, xunto con Culturmar e o Concello de Poio, será o encargado de organizalo XIII Encontro de Embarcacións Tradicionais de Galicia, que se celebrará entre o 29 de xuño e o 2 de xullo do 2017.

Tras a primeira reunión entre Culturmar, Concello e CM A Reiboa, decidiuse que a constitución do comité organizador sería no Salón de Plenos do Concello de Poio, ás 20:00 horas do vindeiro venres 17 de xuño.

Este comité será o encargado de organizalo XIII Encontro e distribuirá o seu traballo en comisións.

A constitución do comité está aberta a todas aquelas asociacións, entidades e persoas que queiran participar na organización do Encontro ou nas distintas comisións que se creen.

Calendario de Achiques

Este é o calendario de achiques dos barcos do club para o ano 2016. Pomos un par de meses do 2017 para que non haxa problemas no cambio de ano



Pómolo tamén a estribor da pantalla para que se poida consultar en calquera momento

Cadernas da historia: Arte e oficio da dorna

O documental Cadernas da historia. Arte e oficio da dorna, que tivemos a oportunidade de proxectar na XIX Concentración de Embarcacións Tradicionais, no verán de 2014, está agora dispoñible para o seu visionado a traves do youtube

Merece a pena adicarlle uns minutos

XX CONCENTRACIÓN DE EMBARCACIÓNS TRADICIONAIS

Os días 21, 22 e 23 de agosto imos celebrar a XX Concentración de Embarcacións Tradicionais no porto de Combarro - Poio.

Este non é un ano máis, 20 anos non se cumplen cada ano, polo que engadimos algunhas cousas no noso programa habitual. O programa deste ano é o seguinte

Venres
17:00 Recepción das embarcacións
17:00 Apertura das exposicións na carpa mariñeira
20:00 proxección documental sobre os galeóns
21:00 Cea
Sabado
11:00 Apertura das exposicións na carpa mariñeira
11:30 Navegación
14:00 Xantar
16:30 Regata da Pamplina a remos
17:00 Regata da Pamplina a vela
20:00 Proxección documental sobre a recuperación da Marina
21:00 cea
Domingo
11:00 Apertura das exposicións na carpa mariñeira
11:30 Navegación e conmemoración do XX Concentración
14:00 Xantar
16:30 Despedida das embarcacións e peche da Concentración

Hai algunha cousa a maiores que está pendente de pechar e que iremos desvelando ao tempo que poidamos confirmalas

Turno do Luisa

Se estes días ata a prensa se fixo eco do lavado de cara da Boureante. Esta semana tocoulle o turno ao Luisa.

A dobre turno, xa que con esta nortada a madeira secábase e xa se veían as xuntas abertas a simple vista, douselle unha boa limpeza, desmontaronse todas as panas, pintouse a obra morta toda, douselle patente, algún clavo se repasou, e listo. Mañán ao mar

A Boureante na prensa

La Voz de Galicia de hoxe facíase eco dos traballos de posta a punto que estivemos facendo nas últimas semanas na bucena A Boureante

Nesta ligazón podedes ver a nova no web do xornal

ACHIQUES/VALDEOS 2015

As quendas para o achique e valdeo dos barcos do Club quedan como siguen.